كيف تبنى موقعاً ناجحاً

[حمدى]

السلام عليكم ورحمة الله وبركاته [فقط الأعضاء المسجلين والمفعلين يمكنهم رؤية الوصلات]


[فقط الأعضاء المسجلين والمفعلين يمكنهم رؤية الوصلات]



شكراً لكل القائمين على الموقع الرائع [فقط الأعضاء المسجلين والمفعلين يمكنهم رؤية الوصلات]

فكرة هذه
السلسة هى مواجهه الضغط الزائد على المستخدم من المواقع المتكررة والمستفزة فى
تكراريتها ..

قبل كل شئ أحب أن أوضح ..

إن كل نجاح هو وليد فكرة ..
قد تكون طائشة أو مجنونة .. ولكنها فى النهاية تنجح ..

وبداية كل موقع ناجح
.. هو الفكرة ..

وفى الموضوع الأول لهذه السلسلة سوف أكتب بعض النصائح
الواجب إتباعها ليكون الموقع ناجحاً ..

قد تعتبر هذه من الأساسيات ولكن
يمكنك انت كصاحب موقع ان تضيف إليها من خيالك أو من خبرتك لما يتناسب معك
..

بسم الله نبدأ ..

بعد الطفرة الرهيبة فى عالم الإستضافة والتصميم
.. يخرج لنا يومياً على الأقل موقع جديد ..

قد يكون الموقع ممتاز .. او يكون
موقع لا قيمة له ..

وقد يكون تقليداً لموقع أخر .. وقد يكون فكرة جديدة
تستحق الزيارة ..

أو يمكن ان يكون إعادة إنتاج لفكرة معينة ولكن بحكمة و
تنفيذ أكثر إتقان ..

ألم تسأل نفسك ذات مرة لماذا هناك موقع أعضاءة وزواره
بالألاف وقد يكون بالملايين ..

وموقع أخر لا يزوره إلا صاحبه فقط
..

هناك ألف موقع فى الدقيقة .. وكل من عرف يمسك ماوس بقى ديزانر وكل من عرف
يكتب كلمتين بقى مبرمج ..

انا مش ضد التعلم او الخبرة أو أو أو ..

لا
.. أنا ضد التقليد التسرع ..

كمثال : فى كم دليل مواقع ؟!

على
الناحية التانية : فى كم سباق مواقع ..

الفرق شاسع جداً ..

ليه
؟!!

قولتولى ليه ؟؟!!

لإن معظم أدله المواقع إن لم تكن كلها عباره عن
صفحة وتم حفظها من موقع أخر Save Page As .. أو قاعدة بيانات موجودة فى الف موقع
..

إنما سباق المواقع .. محتاج إشراف وإدارة و إشهار .. يعنى تعب وسهر
..

صاحب الموقع يستسهل العملية ..

طيب ,, ماهى النصائح الواجب
إتباعها ..

1- التخصص ثم التخصص ثم التخصص ..

2- لأى فئة سيوجه
الموقع ..

3- التركيز فى محتوى الموقع ..

4- طريق عرض المحتوى
..

5- الإدارة ..

نمسك نقطة نقطة ونشرحها ..

وأسمحولى أعرضها
بلهجتى المصرية لأن حيكون طريقة العرض ساخرة شوية [فقط الأعضاء المسجلين والمفعلين يمكنهم رؤية الوصلات]

1 - التخصص ..

التخصص بيدى للموقع روح كده مثلاً مكتبه
برامج تبقى الناس عارفه الموقع وتروح تنزل ... مش لسه تخش الموقع وبعدين تدور على
المكتبه وبعدين تدور على البرنامج .. حتتوه .. يقوم قافل الموقع ومش داخله تانى
..

انما التخصص حيخلى اليوزر اول ما يخش .. بحث إسم البرنامج .. اتفضل حمل
..

2 - لأى فئة سيوجه الموقع .

لأى فقة حتقدم الموقع .. مهم جداً
تسأل نفسك السؤال دا ..

هل يا ترى حقدم الموقع للناس الصغيرة الأطفال
..

هل ياترى حقدمه للشباب ..

هل ياترى حقدمه للناس الكبار
..

كل دا بيحدد الفئة اللى حتدخله ..

وبيحدد بعد كده الشكل والمحتوى
.. عشان ما تتشتشش .. ودا ضمن التخصص بس حبيت افرده لوحده عشان يتفهم اكتر
..

يعنى مثلاً لو حتعمل موقع اطفال .. مش حتحطلهم صور كمبيوتر وحاجات من دى
..

لأ تحط ميكى ماوس .. بطوط .. اى حاجة .. دا على سبيل المثال ..

3
- التركيز فى محتوى الموقع ..

يعنى المادة اللى حتقدمها فى الموقع ..
البهاريز بتاعت الموقع ..

مثلاً لو طبقنا على المثال اللى فوق .. موقع اطفال
.. مش حتقولهم مثلاً اتقتل امبارح خمسميت بنى ادم فى معرفش فين و انجرح معرفش مين
فين..

لأ .. تخاطبهم على قد عقولهم ..

تسقيهم مادة علمية او فكاهية
او بتنجانيه .. بس واحده واحده ..

دا برضه على سبيل المثال ..

4 -
طريقة عرض المحتوى ..

أهم شئ بعد كل دا طريقة العرض ..

التنظيم ..
الشكل العام .. دا برضه بيدى دافع ان المستخدم يخش الموقع ..

يعنى مثلاً
تخيل معايا مادة علمية رهيبه .. متقدمة فى تصميم او شكل او تنسيق منيل
..

بزمتك حتدخل تبص فيها .. دا انت من قبل ما تقرا وتعرف انها مادة حلوة او
او حتقفل الموقع ومانتش داخله تانى ..

شكله مقرف ..

مش ساعات بيبقى
الأكل رائع .. بس بيتقدم فى مطعم نص كم ماحدش بياكل منه ؟؟

دى نفسها النظرية
..

5 - الإدارة ..

إدخرتها للنهاية عشان دى اهم حاجة
..

الإدارة او الهيئة التنظيمية العليا فى الموقع ..

الإدارة اهم
حاجة فى كل اللى انا قلته دا ..

لإن من غير إدارة ومن غير متابعه حتبقى
الحياه فى الموقع سلهبيس فى البسترابتيز ..

ومحدش يسألنى مين دول عشان انا
اساسا مش عارف ..

المهم..

ان الإدارة هى زبد الموقع ..

هى
اللى بتجدد ..

هى اللى بتضيف ..

هى اللى بتراقب ..

هى دى مصر
يا عبلــ .. ايه اللى انا بقوله دا ..

المهم يعنى ..

الإدارة
والتنظيم بيكونوا اهم عناصر الموقع ..

يعنى مثلاً .. واحد دخل واضاف مشاركة
مش ولا بد ..

والإدارة نايمه وخاوية على عروشها ..

لو يوزر دخل وشاف
اللى مش ولا بد دا ..

حيقول ايه الموقع الزباله دا ..

لما الإدارة
سيباه بتعمل كده .. امال الإدارة نفسها بتعمل ايه ؟؟

بتعمل حواجبها
..

المهم لازم يكون فى حزم, شدة, واياك تستلم

مصر محتجاك يا ليفى ..


ليفى ..

ليفى مين ..

مش وقت رأفت الهجان خالص
..

المهم يارب اكون وصلتلكم المعلومة فى بساطة .. إن شاء الله
..

وسامحونى على اللهجة [فقط الأعضاء المسجلين والمفعلين يمكنهم رؤية الوصلات]

شكراً






منقول