السلام عليكم ورحمة الله وبركاته

[ ترددت كثيراً في طرح هذا الدرس نظراً لأستنتاجات حديثة قد تخالف ماذكرته هنا ، ولكن احبنا أن يستفيد الزائر ولو 10% من معلومات هذا الدرس التي قد تكون صحيحة بإذن الله ]


تعديل الصور : الألوان

أعرض لكم الصورة مرة ثانية قبل وبعد

http://www.asaeed.ws/Lessons/pic_02/01.jpg

طيب في الدرس السابق تناولنا الكبسة و الفستق http://www.asaeed.ws/blog/wp-include...asaeed(15).gif أوه قصدي تناولنا طريقة إزالة الشوائب و تنعيم الوجه نشوف مع بعض المرحلة الي وصلنا لها

http://www.asaeed.ws/Lessons/pic_02/02.jpg

طيب دحين الوجه عندنا مسمكر يعني منعم ومضبط وصاير آخر حلاوة http://www.asaeed.ws/blog/wp-include...asaeed(20).gif طيب باقي نعدل شوية في الألوان ويطلع فل الفل .. لكن قبل مانعدل ألوان هذه الصورة وقبل مانتكلم عن الألوان أصلا أشرح لكم شي مهم جدا في هذه القضية وللأسف الشديد مالقيت درس يتحدث عن هذه النقطة يعني درس لتعديل الألوان ويتكلم قبلها عن النقطة الي ابغى أتكلم فيها دحين http://www.asaeed.ws/blog/wp-include...asaeed(11).gif وفي نظري أنكم بمجرد تفهمون هذه النقطة راح تفهمون وتستوعبون الدرس وتقدروا وقتها تشمروا عن أكتافكم وتعدلون الصور بكل سهولة واحترافية - إن شاء الله - .

Histograms / الهستوجرام

أيش هستوجرام !!!! دحين نشرح لكم وللعلم بعض الصور الي راح احطها أخذتها من درس الأستاذ محمد القحطاني لكن بشرح على طريقتي وللي يحب يعود للدرس يمكن ما أعرف أشرح !

Histograms تعرف على أداة الهستوجرام


http://www.asaeed.ws/Lessons/pic_02/03.jpg

طيب نبغى نفهم أيش هو الهيستوجرام دا ؟؟

بالعربي هو مخطط بياني لألوان و إضاءة الصورة - ماحبيت استخدم مصطلحات أو أفصل للي يحب يتثقف في هذا الموضوع يراجع الدرس المرفق - .

المهم يعيني مستر هستو ( جرام ، هذا سموه كذا عشان كان ابوه كل مايجي يتغدون يقيس وزنه فكان دايمن يقول له الجرام فوق الجرام يصير كيلو وراح تسمن وتنكب عفشنا وما نقدر نعبي كرشتك فا كان لو زاد جرام يسوي له تمارين ضغط )

المهم أنو المخطط هذا يخلينا نعرف إضاءة الصورة هل هيا مظلمة ولا ساطعة ولا تمام خلونا نشوف هذا التخطيط الحلو الي راح يوضح لكم أكثر :

http://www.asaeed.ws/Lessons/pic_02/04.jpg

يعني كل ماكان عدد البكسلات في اليسار أكثر كل ماكان الظلام في الصورة أكثر والعكس صحيح كل ماكانت البكسلات في اليمين أكثر كل ماكان السطوع اكثر .

[ كل مارحنا لليمين كل مازاد السطوع في الصورة و كل مارحنا يسار كل مازاد الظلام في الصورة ]

يعني نقدر نقسم الصورة بشكل أسهل ونقول :

http://www.asaeed.ws/Lessons/pic_02/05.jpg

طيب ناخذ مثلا على صورة مظلمة :

http://www.asaeed.ws/Lessons/pic_02/06-1.jpg

مثال كمان على صورة ساطعة :

http://www.asaeed.ws/Lessons/pic_02/07.jpg

زي ما لاحظتم مش لازم تكون الصورة مظلمة بالكامل ! لأ ، يكون الظلام فيها أكثر من السطوع و كذلك الصورة الساطعة الضوء فيها أو السطوع أكثر من المناطق المظلمة .. أتمنى تكون وصلت المعلومة

طيب الهستوجرام مكون من الألوان الخمسة ( أبيض ، أسود ، أحمر ، أخضر ، أزرق ) راح نعرف أكثر لما نتعمق شوي بالدرس إن شاء الله

دحين أنتوا حتقولون فهمنا ايش هو الهستوجرام http://www.asaeed.ws/blog/wp-include...asaeed(21).gif نبغى نعرف يا عبدالله كيف نعدل الصور ونعدل الألوان وكذا حركات بركات http://www.asaeed.ws/blog/wp-include...asaeed(20).gif ؟!!

طيب ولا يهمكم راح نبدأ من الآن فا رجاء فتحوا مخكم معاي كوووييس وركزوا لآخر الدرس يعني لا تقطع كل شوي تروح تشرب لك جغمة موية وترجع ولا أمك تناديك تروح تكب الزبالة خلص كل أمورك و أجلس عشان تركز وتفهم تمام http://www.asaeed.ws/blog/wp-include...asaeed(35).gif .

أول شي بنتعرف على أهم الأوامر الي راح نستخدمها في تصحيح الصورة من ناحية الألوان و الإضاءة و التشبع كمان http://www.asaeed.ws/blog/wp-include...asaeed(36).gif .. تقريبا تقدروا تقولون أنها خيارات أتوماتيكية أو نقدر نقول ( أفتراضية ) خلونا نشوفها :

http://www.asaeed.ws/Lessons/pic_02/08.jpg

طيب يا عبدالله هذه الخيارات تعتمد على شي مهم جدا نقدر نقول انو اسمو ( التعريض ) !

ماقد شفتو في الكاميرا لو كانت D-SLR - يعني احترافية - على شاشة البيانات أرقام مثل كذا

(+2 . 1 . 0 . 1 . -2 )

هذا يسمى التعريض يعتمد على 3 أشياء :

1- سرعة الغالق .

2- فتحة العدسة .

3- قيمة الحساسية (ISO )

و يمثل في تكوينه 3 مناطق :

http://www.asaeed.ws/Lessons/pic_02/08_1.jpg

1- منطقة السطوع . الي هيا (+2)

2- منطقة متوسطة ( رمادية ) الي هيا (0)

3- منطقة الظلال ( أدكن أو أظلم منطقة بالصورة ) الي هيا (-2)

وطبعا الرقم 1 الي بين الـ 0 و الـ 2 درجة أخف سواء في السطوع ولا في الظلمة

مارح نتشعب في هذه النقطة الي يحب يستفيد يبحث وراح يلاقي دروس بالهبل بالإضافة أنو في درس قادم بإذن الله يتحدث عن هذه النقطة بشكل مفصل إن شاء الله .



طيب الفوتوشوب بمجرد تضغط على وحدة من الأوامر الي فوق يقوم بنفسه بالبحث عن الـثلاث مناطق هذه ويحسب بذلك التعريض المناسب للصورة . يعني مثلا أوريكم صورة قبل وبعد أستعمال هذه الخيارات :

http://www.asaeed.ws/Lessons/pic_02/09.jpg

بعض الاحيان تعطيك نتائج مو تمام في الألوان لأنو ممكن القيم أو المناطق الي أختارتها الأداة خطأ وسيتم التوضيح داخل الدرس إن شاء الله أو في نهايته .

عموما مو شرط أنك تستخدمها يعني هذه للي مستععععجل ومو رايق يعدل بمزاجه http://www.asaeed.ws/blog/wp-include.../asaeed(3).gif ..

طيب دحين نبغى نتعرف على هذه الأوامر مانبغى الفوتوشوب يعدل لنا بكيفه نبغى نعدل بكيفنا ممكن نبغى كمان نخرج عن المألوف يعني نخلي الصورة ساااااااطعة ولا مثلا متشبعه باللون الأخضر !! .. طيب خلوني اوريكم وين أماكن هذه الخيارات أو الأوامر:

http://www.asaeed.ws/Lessons/pic_02/10.gif

( الصورة متحركة أصبروا عليها ثواني )

نبدأ بـ Levels

http://www.asaeed.ws/Lessons/pic_02/11.jpg

طيب ملاحظين معايا الدوائر الي مكتوب عليها 1,2,3 ؟ أبغاكم تستنتجون الزر الي في اليمين لو حركناه لجهة اليسار ايش راح يصير بالصورة ؟؟ و كمان الزر الي في اليسار لو حركناه جهة اليمين ايش راح يصير ؟

نجرب نلعب فيها شوي .. نجرب ليش لأ ؟ شوفوا لمن حركت الزر الي في اليمين لجهة اليسار ايش صار في صورتنا

http://www.asaeed.ws/Lessons/pic_02/12.jpg

غريببببة ؟؟ المفروض تظلم الصورة مو ؟ لا ياقميل انتا وهوا احنا لمن قدمنا الزر أو " المحرك " الأيمن لجهة اليسار زدنا السطوع يعني الفوتوشوب صار يقرأ كل المنطقة الي تحركنا فيها سطوع فاهمين ؟ نوضح لكم هو أحنا لنا غيركم http://www.asaeed.ws/blog/wp-include.../asaeed(7).gif

http://www.asaeed.ws/Lessons/pic_02/13.jpg

زي ماقلت لكم لمن حركنا الزر الي في اليمين كاننا قلنا للفوتوشوب زيد منطقة السطوع يعني صار الفوتوشوب يقرأ أنو منطقة السطوع أكثر من منطقة الظلام وهذا الي صار بالفعل يعني قاعدين نلف وندور على حبيبنا هستوجرام http://www.asaeed.ws/blog/wp-include.../asaeed(8).gif

طيب على فكرة الألوان الي حطيتها مو يعني الأحمر والأزرق والأخضر الي هيا ( RGB ) لا مجرد ألوان توضيحية ..

الأحمر = منطقة السطوع

الأخضر = منطقة الظلام

الأزرق = وسط بينهم يعني المنطقة الي سطوعها أو إضائتها وظلمتها متوسطة

طيب نجرب نحرك المحرك الأيسر ( الي عليه دائرة خضراء ) بنفس المقدار الي حركنا فيه المحرك او الزر الأيمن :

http://www.asaeed.ws/Lessons/pic_02/14.jpg

شايفين كيف صارت الصورة مظلللللمة ومشبعة بالألوان لدرجة الظلام ؟ http://www.aburenaz.com/smilies/smil...eat/native.gif

طيب نجرب المحرك الأوسط ( الي عليه دائرة زرقاء ) وكمان تقريبا بنفس المقدار :

http://www.asaeed.ws/Lessons/pic_02/15.jpg

شايفين لمن حركنا الزر او المحرك لجهة اليسار أعطانا إضاءة متوازنة في سطوعها و دكانتها - ظلمتها - طيب ممكن يقول الإضاءة مرة حلوة ومناسبة بس الشعر طالع باهت وكأنو دوبو خارج من ملعب كوره !! كيف أخلي الإضاءة بس في أجزاء معينة أنا احددها ؟ راح نعرف في آخر الدرس إن شاء الله .



طيب دحين أحنا عرفنا كيف نزيد سطوع الصورة أو نزيد ظلمتها او نزيد الإضاءة أو نقللها بشكل متوازن حلو ؟

طيب أيش هرجة الـ ( Red & Green & Blue ) في القائمة المنسدلة ؟؟ يعني هل نقدر نتحكم بـ سطوع اللون الأحمر ؟؟؟

راح نعرف دحين كوووووول حاجة إن شاء الله .. طيب قبل مانخش في هادي النقطة خلوني أوريكم شي ، أدخلوا على لوحة الألوان :

http://www.asaeed.ws/Lessons/pic_02/16.jpg

شايفين الي شايفو ؟ R مقابله C .. إلخ طيب ياعمي أيش يعني ؟؟

خلوني أشرح لكم ايش معنى هذه الحروف :

R = أحمر

G = أخضر

B = أزرق

نظام الألوان هذا نستعمله لمن نصمم مواقع على الإنترنت أو لمن نسوي بطاقات تعرض في المنتديات يعني هذه الألوان أو نظام الألوان هذا نستعمله لمن نبغى نشوف شي في ( شاشة ) الحاسب الآلي ..راح نشوفها كإشعاعات - ممكن نطلع منها ألوان فاقعة -.

تمام أتفقنا على هذه النقطة يعني نستفيد من هذه المعلومة أنو لو نبغى نصمم مواقع نختار نظام ألوان ( RGB ) .


C= سماوي -أزرق مع شوية أخضر- بالإنجليزي ( Cyan )

M = أرجواني - أزرق مع أحمر - بالإنجليزي ( Magenta )

Y = أصفر

K = أسود

طيب هذا نظام ألوان الطباعة يعني لمن تبغى تسوي مطوية ولا إعلان سواء كان فلاير أو بوستر ، أو أي شيء مطبوع تستعمل هذا النظام

طبعا - مارح تكون فيها ألوان فاقعة - يعني لو تحط لون فسفوري مايجيك بالدرجة الفاقعة في الشاشة يجيك مطفي تقوم أنت تطبعه على ورق لميع ممكن يساعد شوي . نشوف مثال بسيط يقرب الفكرة :

http://www.asaeed.ws/Lessons/pic_02/17.jpg

طيب أنا ليش شرحت هذا كله ؟!!! دحين نعرف .

نرجع لـ Levels

http://www.asaeed.ws/Lessons/pic_02/11.jpg

لو اخترنا من القائمة المنسدلة مثلا Red بدال RGB

http://www.asaeed.ws/Lessons/pic_02/18.jpg

طيب ملاحظين الخط الي في الشاشة ؟؟ أقصد التدرج لون أحمر في اليمين و سماوي في اليسار !!!

مثل ما وريتكم أول في لوحة الألوان الـ R يقابله C أحمر يقابله مين ؟ [COLOR="rgb(0, 191, 255)"]سماوي [/color]

طيب ليش الأحمر في مكان السطوع و السماوي في مكان الظلمة ؟ دحين راح نعرف

شوفوا يا أخوان فكرة الـ Levels مو زيد الإضاءة ولا نقص الإضاءة لأ ، أحنا قاعدين نتحكم بسطوع الألوان و تشبعها تقريبا لمن كان RGB كنا نتحكم بكل الألوان RGB & CMYK لكن لمن خصصنا لون معين مثلا الأحمر المفروض كان يعطينا سطوع الأحمر و ظلمته ؟



لكن هنا عطانا لون من مجموعة ألوان الـ RGB ولون يقابله من مجموعة CMYK .

طيب ليش صارت ألوان الـ RGB مكان السطوع يعني كان الترتيب مختلف في لوحة الألوان ليش أضطروا يغيرون الترتيب ؟؟

مارح أجاوبكم أبغاكم تستنتجون هادا الشي أنا شرحته وهو واضح بالإضافة اني أستنتجته بنفسي يعني قابل للخطأ http://www.asaeed.ws/blog/wp-include...ies/asaeed.gif .

طيب نجرب نحرك الزر الأيمن جهة اليسار يعني زر السطوع نحركه جهة الظلمة نشوف ايش راح يصير بالصورة هل راح تصير ساااطعة زي أول ولا أيش بالضبط ؟

http://www.asaeed.ws/Lessons/pic_02/19.jpg

واوك صار اللون الأحمر سااااطع يعني مو متشبع لا صار بسطوع !

طيب نجرب نحرك الزر الأيسر لجهة اليمين الي هوا زر الظلمة :

http://www.asaeed.ws/Lessons/pic_02/20.jpg

وااااااوك صارت الصورة مظلمة وبلون أقرب للأخضر من السماوي ( أعتقد أن الترجمة لكلمة Cyan لـ سماوي خاطئة السماوي أزرق مع أبيض و السيان مكون من خليط أزرق و أخضر وهذا الشكل خير مثال لذلك .. والله أعلم )

طيب ليش صارت الصورة مظلمة ليش ماصارت ساااطعة ؟؟ وليش صارت ألوان الـ CMYK في اليسار ؟؟ مع مراعاة رسم الهستوجرام http://www.asaeed.ws/blog/wp-include...asaeed(10).gif



طيب نستفيد من هذه المنقطة أننا نقدر نعدل ألوان الصورة وسطوعها أو ظلمتها من هذه النافذة أو الأمر فقط شوفوا الصور حقتنا عدلتها بس عن طريق هذه الأداة :

http://www.asaeed.ws/Lessons/pic_02/21.gif

وهذا الملف مفتوح للي يحب يعرف الإعدادات :

من هنــا

زدت سطوع و ظلمة الصورة عن طريق الزر الأوسط وبعدين زدت تشبع اللون الأزرق برضوا عن طريق الزر الأوسط ( المنطقة الرمادية ).

أتمنى تكون النقطة هذه مفهمومة ومع الممارسة و - اللقافة - راح تفهم أكثر


طيب الباقي دحين مرة سهل وراح نمر عليه على السريع لأن أهم أداتين عندنا Levels + Curves

لكن مارح أشرح لكم دحين الـ Curves لأنه بالفعل أداة تجمع كل الأدوات الي راح أشرحها دحين ولو قالوا ليا أختار أداة وحدة للتعديل راح اختار هذه بدون تفكير ..

طيب نجي دحين للأمر الي مجنن العالم ويعطي نتائج حلوة أو لمسة حلوة للتصميم الي هو :

Brightness/Contrast

http://www.asaeed.ws/blog/wp-include...asaeed(34).gif