منتدى دروس الفوتوشوب هنا كل ما يخص البرنامج الرائع الفوتوشوب من [شرح ودروس]...

الرئيسيــــة استرجاع كلمة المرور دليـل الموقــع أكواد الألــوان

 
إضافة رد
 
أدوات الموضوع انواع عرض الموضوع
تحميل برامج كمبيوتر كاملة 2024 برابط مباشر - منتديات ساسو سوفت
قديم منذ /03-08-2009, 12:29 AM   #1

mokhtar1
 
الصورة الرمزية mokhtar1

:: المدير العــام ::

mokhtar1 غير متواجد حالياً

 رقم العضوية : 12
 تاريخ التسجيل : 12 - 2 - 2009
 المشاركات : 11,577
 النقاط : mokhtar1 has a reputation beyond reputemokhtar1 has a reputation beyond reputemokhtar1 has a reputation beyond reputemokhtar1 has a reputation beyond reputemokhtar1 has a reputation beyond reputemokhtar1 has a reputation beyond reputemokhtar1 has a reputation beyond reputemokhtar1 has a reputation beyond reputemokhtar1 has a reputation beyond reputemokhtar1 has a reputation beyond reputemokhtar1 has a reputation beyond repute
 تقييم المستوى : 100

اوسمتي
افتراضي تمهيد بسيط جدا لفكره الدعاية والاعلان




نبتدى موضوعنا على بركه الله



أولا يا جماعه علشان تكون مصمم جرافيك ناجح فى شركه دعايه واعلان لازم يكون عندك فكره عن الدعايه والاعلان قبل ما تتقدم لاى شركه لان ده اول سؤال بيتوجه ليك من مدير الشركه لما بتروح تتقدم وكمان مش معقوله ان شركه دعايه تشغلك مصمم اعلانى عندها وانت متعرفش يعنى ايه دعايه ويعنى ايه اعلان


علشان كده اول جزئيه حنبدأ بيها هيا



التعريف بالدعايه والاعلان




لان الجزئيه دى مهمه جدا لاى مصمم اعلانى والجزئيه دى لو استوعبتها كويس وفهمتها جامد حتأثر عليك بعد كده فى شغلك وحتفرق معاك جامد بجد وانتوا حتحسوا بكده لما ندخل فى باقى الجزئيات التانيه ان شاء الله



ايه هيا الدعايه والاعلان ؟؟؟؟؟


ناخد المعنى العام للعباره وهوه ( الاعلان )


الاعلان ده يا جماعه زى ما موسوعه ويكيبيديا بتقول هو احد الأنشطه الاعلاميه التى لا غنى عنها للأنشطه الاقتصاديه من صناعه وتجاره وخدمات وغيرها من الانشطه الاقتصاديه وكذلك بالنسبه للمؤسسات والجمعيات الخيريه الغير ربحيه والتى بدون الإعلان عن مجهوداتها فلن تحصل على الدعم المجتمعى والتمويل المادى اللازم لاستمرارها فى عمها وادائها لرسالتها


نفسر بقى العباره بتأنى


اول جزء بيتعرض لاهميه الاعلان للانشطه الاقتصاديه وان اى نشاط اقتصادى سواء كان صناعه ( مصنع سيراميك مثلا) او تجاره (شركه توزيع مواد غذائيه ) او خدمات ( شركات الاتصالات )


اى نشاط من دول بيحتاج الدعايه جدا جدا جدا بغض النظر عن جوده المنتج او الخدمه اللى بيأديها


تخيل مثلا مصنع سيرميك ( كمثال ) فتح باستثمارات كبيره وبعد ما انتج معملش اعلانات فى التليفزيون او الجرايد عن انتاجه هل تتخيلوا انه ممكن يبيع بلاطه واحده


نبص برضه لشركات الاتصالات بصفتها اكبر ناس بتعمل دعايه دلوقتى لنفسها


ليه شركات الاتصالات عندنا فى مصر بتصرف ملايين على الدعايه


ليه كل ما تدخل شارع وتبص على السنترالات اللى فيه تلاقى اليفط بتاعته عاملاها شركه من شركات الاتصالات ؟


ليه شركات الاتصالات محاصرانا بكميه اعلانات مهوله فى التليفزيون والجرايد وفى الشارع وفى المناسبات


الاجابه يا جماعه علشان كل شركه عاوزه عدد المشتركين اللى عندها يزيد وكمان استهلاك المشتركين بتوعها يزيد


نيجى برضه لجزئيه الجمعيات الخيريه وهى ان الجمعيات الخيريه من غير ان اعلان عن نفسها مش حتاخد اى دعم نهائى


تخيل كده مستشفى الاطفال اللى لسه فاتحينها لو مكانوش عملوا ليها دعايه هل كانت حتتفتح اساسا


الاجابه طبعا لأ


معلش يا جماعه انا باطول عليكوا شويه فى الاول بس علشان ادخل فكره الدعايه فى دماغكم صح لان فيه ناس كتيره اوى فاهماها غلط


نفك دماغنا بقى دلوقتى من الامثله الكبيره بتاعه الشركات والمصانع وشركات الاتصالات ونروح للأمثله الصغيره اللى موجوده فى شوارعنا


الجزار مثلا اللى فى منطقتك


هل انت متخيل ان الجزار ده بيعمل دعايه


طبعا بيعمل دعايه بس هل الدعايه اللى بيعملها بتكون اعلان فى التليفزيون او فى الجرايد


طبعا لا بس الدعايه بتاعته بتبقى فى النطاق بتاعه


ازاى


الدعايه بتاعته حتلاقيها من اول الاكياس اللى كاتب عليها اسم المحل ودى دعايه مهمه على فكره لان فيه ناس كتير مش بترمى الكياس


وحتلاقى الدعايه دى برضه قائمه الاسعار اللى حاططها بره


وكمان فى يافطه المحل وساعات فى اليفط الصغيره ( اسمها فوانيس ) اللى بتلاقيها على قمه الشارع


نروح برضه لمثال كمان حلو


الدكتور


من المعروف ان اى دكتور لما بيفتح عياده بيعتمد اكتر على مهارته علشان ده يجيبله الزباين


يعنى بيعمل دعايه بمهارته


بس مش بيعتمد على مهارته بس ليه


لانه لو كان بيعتمد على مهارته وخبراته بس مكانش كتب اسمه على الروشته اللى بيديهالك


ومكانش كتب اسمه على اليافطه بتاعه العياده


ومكانش عمل لنفسه كروت شخصيه


ومكانش عمل لنفسه اعلانات فى الشوارع


بالتالى يا جماعه


الفكره اللى عاوز اوصلهالكم


ان اى حد بيقوم بنشاط مهما كان النشاط ده صغير بيحتاج للدعايه جدا


عاوز اوصلكم فكره ان اى حاجه عليها اى اسم لاى محل او اى منتج دى عباره عن دعايه


مهما كان المحل ده صغير ومهما كان المنتج مش مهم ومهما كان اللى بيعمل الدعايه ده مشهور اساسا


قيس كل الكلام ده على كل محل بتشوفه فى الشارع


وكمان قيسه على عيادات الدكاتره ومكاتب المحامين وشركات الكمبيوتر


ومراكز التدريب والمعاهد واى حاجه فاتحه علشان تكسب فلوس


فهمنا كده بقى يعنى ايه اعلان


نروح بقى لانواع الاعلانات


انواع الاعلانات كتيره اوى يا جماعه ومتشعبه وقابله للتطوير فى اى وقت وممكن اى فكره بسيطه تبقى اعلان ويكسر الدنيا


وانواع الاعلانات هى



1- الاعلانات المطبوعه : وهيا دى اللى بتهمنا فى الاساس وتشمل اعلانات الصحف والمجلات والدوريات والمنشورات والملصقات


2 - الاعلانات الخارجيه : وهى اعلانات الشوارع والمعارض والاعلانات اللى على العمارات وعلى الاتوبيسات


3 - الاعلانات المسموعه : وهى الاعلانات الاذاعيه


4 - الاعلانات المرئيه المسموعه : وهى اعلانات التليفزيون ودى المنتشره اكتر وكمان فيه اعلانات السينيمات


5 - الاعلانات على شبكه الانترنت : ودى مكنتش موجوده قبل كده وظهرت مع تطور عالم الانترنت وزياده اعداد المستخدمين


وعلى فكره حنعرف بعد كده ان اعلانات الانترنت مهمه جدا جدا


6 - الاعلانات على الموبايل: ودى برضه ظهرت بعد زياده مستخدمين الموبايل


دلوقتى يا جماعه انتوا كده اخدتوا فكره عن الاعلان وانواعه


نيجى بقى للجزء اللى يهمنا وهو عن الخدمات اللى بتقوم بيها مكاتب الدعايه والاعلان


وانا اقصد المكاتب العاديه مش الوكالات الكبيره لان دى شغلها كبير اوى وعلشان توصلها لازم تاخد الخبره العمليه فى المكاتب العاديه


مكاتب الدعايه والاعلان العاديه بتشتغل فى


الكروت الشخصيه


الورق المطبوع ( فلاير)


اليفط بانواعها ( البنر والفيلكس والفنيل)


الاكياس المطبوعه


النتائج والاجندات المطبوعه


الاوراق والسجلات التجاريه ( طباعه دفاتر وفواتير التجار والشركات وروشتات العيادات وفولدرات المحامين )


تصميم مواقع وصفحاب الويب ( وده مش كل المكاتب بتشتغل فيه)


دى يا جماعه الحاجات اللى بتشتغل فيها مكاتب الدعايه والاعلان علشان يبقى عندكم فكره وكمان ان شاء الله فى الدروس اللى جايه حناخد الحاجات دى


بالتفصيل الممل من اول فكرتها وكيفيه تصميمها بسهوله وفى اسرع وقت ولغايه طبعها


وملحوظه هامه جدا قبل ما انهى درس النهارده


اهم حاجه بتهم شركه الدعايه فى المصمم اللى شغال انه يكون سريع بمعنى انه لما يتطلب منك تصميم كارت شخصى المفروض


مياخدش منك اكتر من عشر دقايق او ربع ساعه بالكتير وفى نفس الوقت يكون التصميم كويس


وخلى بالكم ده شىء مش صعب ولا مستحيل لان الاستخدام التجارى للفوتوشوب غير الاستخدام الابداعى


بمعنى ان المكتب مش بيطلب منك تطلع ابداعاتك كلها فى التصميم كل اللى بيتطلب منك افكار وتصميم كويس وخلاص


علشان كده لما واحد فيكم يشتغل مع الوقت حيلاقى نفسه بيصمم بسرعه وهوه مغمض


انا عن نفسى اول ما بدأت اشتغل فى المجال ده كنت باصمم الكارت الواحد فى حوالى ساعه


دلوقتى الحمد لله فى خلال الساعه دى اقدر اصمم خمس كروت وممكن اكتر


ومعلش يا جماعه الموضوع دلوقتى كله نظرى بس زى ما قولتلكم ده تمهيد مهم جدا لابد منه وان شاء الله فى الدروس الجايه حتعرفوا اكتر اهميه الدرس ده


واشوفكم الدرس الجاى ان شاء الله


واللى عنده استفسار يقول وانا ان شاء الله حارد بسرعه على قد ما اقدر


والسلام عليكم




  رد مع اقتباس
تحميل برامج كمبيوتر كاملة 2024 برابط مباشر - منتديات ساسو سوفت
قديم منذ /29-01-2013, 06:35 PM   #2

أم فارس
 
الصورة الرمزية أم فارس

:: عضو جديد ::

أم فارس غير متواجد حالياً

 رقم العضوية : 49459
 تاريخ التسجيل : 31 - 12 - 2012
 المشاركات : 33
 النقاط : أم فارس is on a distinguished road
 تقييم المستوى : 0

افتراضي رد: تمهيد بسيط جدا لفكره الدعاية والاعلان

موضوعك المفروض يكون بقسم الدعاية والإعلان
وشكرا




  رد مع اقتباس
تحميل برامج كمبيوتر كاملة 2024 برابط مباشر - منتديات ساسو سوفت
قديم منذ /29-01-2013, 07:00 PM   #3

mokhtar1
 
الصورة الرمزية mokhtar1

:: المدير العــام ::

mokhtar1 غير متواجد حالياً

 رقم العضوية : 12
 تاريخ التسجيل : 12 - 2 - 2009
 المشاركات : 11,577
 النقاط : mokhtar1 has a reputation beyond reputemokhtar1 has a reputation beyond reputemokhtar1 has a reputation beyond reputemokhtar1 has a reputation beyond reputemokhtar1 has a reputation beyond reputemokhtar1 has a reputation beyond reputemokhtar1 has a reputation beyond reputemokhtar1 has a reputation beyond reputemokhtar1 has a reputation beyond reputemokhtar1 has a reputation beyond reputemokhtar1 has a reputation beyond repute
 تقييم المستوى : 100

اوسمتي
افتراضي رد: تمهيد بسيط جدا لفكره الدعاية والاعلان

اختى حذفنا قسم الدعاية والاعلان
فى قت لاحق ننشىء القسم من جديد
شكرا لك




توقيع  mokhtar1
 
احصل على برامجك المفضلة المجانية

بدون حقوق للآخرين

وبروابط مباشرة
  رد مع اقتباس
تحميل برامج كمبيوتر كاملة 2024 برابط مباشر - منتديات ساسو سوفت
قديم منذ /27-05-2022, 11:43 PM   #4

sar
 
الصورة الرمزية sar

:: عضو خبير ::

sar غير متواجد حالياً

 رقم العضوية : 28
 تاريخ التسجيل : 13 - 2 - 2009
 المشاركات : 3,798
 النقاط : sar has a spectacular aura aboutsar has a spectacular aura aboutsar has a spectacular aura about
 تقييم المستوى : 93

افتراضي رد: تمهيد بسيط جدا لفكره الدعاية والاعلان

موضوع ممتاز شكرا




  رد مع اقتباس
تحميل برامج كمبيوتر كاملة 2024 برابط مباشر - منتديات ساسو سوفت
قديم منذ /22-11-2022, 03:11 PM   #5

جمال
 
الصورة الرمزية جمال

:: عضو مبدع ::

جمال غير متواجد حالياً

 رقم العضوية : 60
 تاريخ التسجيل : 19 - 2 - 2009
 المشاركات : 2,095
 النقاط : جمال is just really niceجمال is just really niceجمال is just really niceجمال is just really niceجمال is just really nice
 تقييم المستوى : 61

افتراضي رد: تمهيد بسيط جدا لفكره الدعاية والاعلان

good




  رد مع اقتباس
إضافة رد

مواقع النشر (المفضلة)

الكلمات الدلالية (Tags)
لفكره, الدعاية, تمهيد, بسيط, والاعلان

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
بالصور شرح اضافة تأثيرات مجمسمة 3d على الخطوط لمصممى الدعاية والاعلان aymano منتدى دروس الفوتوشوب 1 11-04-2014 07:28 PM
لمصممى الدعاية والاعلان اضافة تأثيرات مضيئة جميلة على الخطوط ببرنامج فوتوشوب 6 aymano منتدى دروس الفوتوشوب 0 06-07-2013 07:13 PM
الجزء الخامس الدورة الكلمة لتعليم برنامج الفوتوشوب خاص بالدعايه والاعلان islamfiver منتدى دروس الفوتوشوب 0 24-07-2012 07:57 PM
درس بسيط بسيط لتمديد قسم من الصوره فى الفوتوشوب abubakr منتدى دروس الفوتوشوب 0 10-04-2011 06:24 PM
استفسار بسيط(سؤال الروند المنتدى الرياضى 0 24-02-2009 10:23 PM

RSS RSS 2.0 XML MAP

الساعة الآن 12:14 PM.


Powered by vBulletin Version 3.8.8
Copyright ©2000 - 2024, Jelsoft Enterprises Ltd

جميع المشاركات المنشورة فى المنتدى لا تعبر عن وجه نظر الإدارة

Please dont post any copyrighted materials like cracks , serials , nulled products .. ETC